Xəbərlər
1 noyabr 2025
Kamilla Umirova, Mərkəzi Asiya ölkələri üzrə qeydiyyat şöbəsinin baş mütəxəssisi, Medstandard
-Şirkətimiz MDB ölkələri ərazisində tibbi məmulatların qeydiyyatı ilə məşğuldur. Medinex sərgisində biz müxtəlif ölkələrdə öz tibbi məhsullarını qeydiyyatdan keçirmək istəyən tərəfdaşlar axtarırıq. Sərgi təşkilatçılarının dəvətini məmnuniyyətlə qəbul etdik və səfər özünü tam doğrultdu. Burada tibbi məmulatlar istehsal edən çoxsaylı şirkətlər iştirak edir. Onların bəzilərini əvvəldən tanıyırdıq, bəziləri ilə isə ilk dəfə Bakı Ekspo Mərkəzində tanış olduq. Onlarla əməkdaşlıq quracağımıza və gələcəkdə biznes əlaqələrimizi genişləndirəcəyimizə ümid edirik.
Azərbaycanın tibbi bazarı sürətlə inkişaf edir və Medinex 2025 bu inkişaf üçün yeni impuls yaradır. Sərgi ölçü baxımından böyük olmasa da, o, müxtəlif tibbi istiqamətləri əhatə edir və əməkdaşlıqda maraqlı olan bütün tərəflər arasında dialoqun qurulmasına töhfə verir. Mənim fikrimcə, bu cür tədbirlər həmişə seminar və konfranslardan daha səmərəli olur. Medinex sərgisinin biznes proqramı isə bu iki istiqaməti mükəmməl şəkildə tamamlayır.
